لو بتفكر تبدأ تدرّس أونلاين بحرية وعايز تعرف تفاصيل أكتر عن منصة حصصي للتعليم الإلكتروني اللي بتعتبر ترند حاليا في عالم المنصات التعليمية لنظرا لتفرد تصميمها فالمقال دا هيجاوبك ببساطة على كل الأسئلة اللي ممكن تيجي في بالك.
👈إيه أنواع التعليم المدعومة في حصصي؟
حصصي بتدعم كل الأنظمة التعليمية تقريبًا: التعليم الحكومي (عربي – لغات)، الأزهري، وكمان التعليم الدولي. وده بيخلي المنصة مناسبة لأي معلم حابب يتطور مهنيا ويدخل عالم التعلم الإلكتروني بصرف النظر عن نوع مدرسته.
👈يعني إيه حصصي منصة تعلم مفتوح (لكل المعلمين)؟
- – يعني أي معلم من أي حتة يقدر يفتح حساب وينشىء دورة تعليمية حتى لو من برة مصر.
- – يعني ممكن تخليها مكان تدريسك الأساسي أو توظفها مع طلابك اللي بتدرسهم في السنتر
- – يعني تقدر تطبق استرتيجيات تدريس فعالة ومختلفة زي التعلم المدمج Blended Learning والتعلم المقلوب Flipped Learning
👈إيه المناهج اللي ممكن أقدمها؟
فيه نوعين من الدورات من حيث نوع المنهج:
- 1- دورات دعم المناهج الدراسية (زي: رياضيات – أولى ثانوي – ترم أول).
- 2- دورات تأسيس وتطوير مستمر (زي: البرمجة واللغات والمهارات الحياتية أو حتى الفقه والتجويد).
يعني مش بس شرح المناهج، لكن كمان دورات أونلاين تفتح للطلاب أبواب أكبر لتطوير نفسهم.
👈ازاي اشرح المنهج للطلاب؟
المنصة تدعم كل طرق تقديم المحتوى وبالتالي يوجد ثلاث أنواع من الدورات من حيث طريقة التقديم:
1- دورات مباشرة: تقدر تفتح دورة مباشرة Live Online بالكامل دون رفع مسبق للمنهج
2- دورات مسجلة: بتسجل شروحاتك بالفيديو + ملفات + اختبارات قصيرة، ثم تقزم برفع المحتوى للدورة وتفتح للتسجيل.
3- دورات مسجلة ومباشرة: هي دورة خليط من النوعين السابقين، حيث يرفع المحتوى المسجل مسبقا ويدعم المنهج بجلسات مباشرة اسبوعية لمتابعة أداء الطلاب.
👈إيه أنواع الفيديوهات المقبولة في الدورات المسجلة مسبقاً؟
مفيش قيود: ممكن تشرح على سبورة عادية أو تفاعلية، بوربوينت، أو حتى ورقة. المهم:
- – جودة صوت وصورة كويسة.
- – كاميرا ثابتة.
- – إضاءة مناسبة.
ينبغي أن يكون الفيديو بجودة عالية hd والملف بامتداد mp4 أفقي، ولمعرفة تفاصيل أكثر لاشتراطات الجودة يمكنك الغطلاع على هذه الصفحة هنـــــــــا.
👈لازم أسجل كامل المنهج قبل فتح الدورة المسجلة مسبقا؟
مش لازم. تقدر تفتح دورة مسجلة مسبقا للبيع وأنت لسه بتسجل (عن طريق خاصية فتح الحصص بتاريخ). كمان ممكن تعلن إن الكورس قادم قريبًا وتسمح بالتسجيل المسبق.
👈إزاي أنشئ وأدير الدورة؟
حسابك كمعلم معتمد بيضيفلك خاضية منشىء الدورات وفيه تقدر تهيكل محتوى الدورة وترفع من جهازك الفيديوهات والملفات وتتحكم في مواعيد الفتح والإغلاق ومنح الشهادات. بالإضافة لإمكانية استخدام أدوات الذكاء الصناعي لمساعدتك في تجهيز المحتوى والصور على المنصة.
👈هل في دعم فني؟
طبعًا. عندك دليل مستخدم بالعربي مفصل، دورات مجانية للمعلمين، مجموعات خاصة واتساب وفيسبوك ، وتدريب لايف عملي بالإضافة إلى مشرف متابع هيمشي معاك خطوة بخطوة.
👈إزاي أستفيد مادياً؟
منصة حصصي مصممة عشان تغنيك عن بناء منصة خاصة (هنا انت مش موظف انت صاحب مكان) بمبدأ نكبر مع بعض زأرباح ممكن تتعدى 500%:
- طلاب المنصة يشتروا دورتي: من كل طالب يشترى دورتك من طلاب المنصة تحصل على 50%
- طلابي يشتروا دورتي: منصة حصصي بتدخلك في برنامج التسويق بالعمولة يعني أي طالب يدخل المنصة من جهتك ويشتري دورتك تحصل بالإضافة لل50% على نسبة إضافية (من 15% إلى 35% تحدد حسب قاعدة متابعيك على الانترنت). بالتالي بيع دورتك لطلابك بيديك نسبة تصل إلى 85%.
- طلابي يشتروا دورات غيري: هنا بقى ممكن نسبة ارباحك تتعدى ل500%، فالطالب اللي يدخل المنصة عن طريقك لو كمل المنهج بتاعه واشترى دورات من معلمين آخرين في مادتك أو مواد أخرى تحصل حضرتك على نفس نسبة التسويق بالعمولة واللي بتوصل ل35%.
سيناريو: حضرتك مدرس رياضيات تم اعتماد نسبتك في المنصة 85% (50+35 تسويق بالعمولة) لأن عندك صفحات فيس وقناة يوتيوب فيها متابعين كتير. حضرتك أنشأت دورة في المنصة لثالث إعدادي سعرها 500جنيه:
– 20 طلاب من المنصة اشتروا الدورة في شهر أكتوبر = 20*500*0.5 = 5000 جنيه
– 20 طلاب دخلو المنصة عن طريقك واشتروا دورتك = 20*500*0.35= 3500 جنيه
– نفس ال20 طلاب كملوا واشتروا باقي المواد =20*(500 لغة عربية + 500 علوم + 500 دراسات + 500 انجليزي) * 0.35= 14000 جنيه
أرباحك في أكتوبر من 40 طالب فقط= 5000 + 3500 + 14000 = 22500 جنيه
👈إزاي حصصي هتفيد مستقبلي المهني؟
منصة حصصي متصممة لتضمن لك نمو مهني بدون حدود. فانت في حصصي بتبني براند شخصي واسم معروف وسط الطلاب وهيبقالك متابعين من الطلاب وأولياء الأمور في المنصة بيزيدوا مع الوقت. دخلك الشهري إن كان السنة دي 15,000 جنيه ممكن يبقى السنة اللي وراها 40,000 بدون حد أقصى The limit is the sky المهم تركز على جودة محتواك وتسويق لنفسك
👈إزاي بتحموا المحتوى؟
الدورات في حصصي لا يدخل عليها إلا الطالب المسجل فيها إلا لو عملت دورتك مجانية بالإضافة إلى أن المحتوى بتاعك من فيديوهات بيتم بثه من خلال شريك فيديو عالمي مع اعدادات خصوصية وأمان عالية.
👈هي كفاءة بث الفيدو يٌعتمد عليها لو عندي طلاب كتير؟
المحتوى بتاعك من فيديوهات بيتم بثه من خلال شريك فيديو عالمي بجودة واعتمادية عالية ومستحيل أي طالب يوصل للملفات غير من حسابه. يعني فيديوهاتك آمنة 100% ضد القرصنة، بالإضافة إلى اعتمادية عالية فدورتك مالهاش حد أقصى في عدد الطلاب المسجلين مع التمكن من الدخول على الفيديو بأعداد كبيرة في نفس الوقت.
👈انتو هتحتكروا شغلي؟
أنت مالك محتواك وتقدر تنشره في أي مكان تاني احنا بس بنرخص دخول الطلاب عليه في المنصة، يرجى الإطلاع على اتفاقية معلم معتمـد من هنــــا.
👈ماذا لو عايز ألغي حسابي؟
لو حبيت تقفل حسابك، تقدر تعمل ده في أي وقت وهيتم حذف كل محتواك ومنشوراتك وبياناتك الشخصية إلا لو فيه دورة لسة شغالة وفيها طلاب هتفضل مفتوحة لحين وقت انتهاء صلاحية دخول الطلاب لكن ستغلق لأي تسجيل جديد، يرجى الإطلاع على اتفاقية معلم معتمـد من هنــــا.
👈التسويق بيتم إزاي؟
لأن الأرباح مشتركة فالتسويق من طرفنا ومتوقع من طرفك، فلدينا فريق من المسوقين بالعمولة وفريق التسويق بالمنصة يقوم بعمل الإعلانات الممولة والتسويق على قنواتنا الاجتماعية، بالإضافة لأن حصصي مجتمع متفاعل فمتابعينك على المنصة يترقبو دوراتك بمجرد نشرها.
👈هل في مدرسين غيري في نفس المادة؟
أكيد. حصصي سوق مفتوح زي أمازون ونون لكن مختصة فقط في الدورات التعليمية. الطالب يختار المعلم والكورس حسب التقييم والسعر. وده معناه إن المنافسة قوية، والبقاء للأشطر اللي عنده محتوى تعليمي قوي ويقدم تجربة تعليمية مميزة للطلاب.
👈إزاي أقدم وازاي أضمن قبولي وازاي أعرف تقبلت كمعلم معتمد؟
– الانضمام لحصصي مجاني تماماً: قم (1) بعمل حساب معلم في منصة حصصي وأكمل بيانات صفحتك الشخصية ثم (2) انشر فيديوا تعليمي على المنصة كعينة لأعمالك وأخيرا (3) قدم طلب لمعلم معتمد من صفحة انضمام معلم معتمد من هنــــا.
– لضمان قبولك: تأكد أن الفيديو لعينة شغلك يكون بجودة صوت وصورة عالية، ومتنساش تضيف روابط صفحاتك الاجتماعية لأن على حسب عدد متابعينك هيتحدد نسبة التسويق بالعمولة، كما . الرد بيوصلك على الإيميل في حالة الرفضل أو القبول مع العلم حتى بعد الرفض يمكنك التقديم مرة أخرى.
